ପାଠ୍ୟପୁସ୍ତକସ୍ଥ ପ୍ରଶ୍ନାବଳୀର ଉତ୍ତର
୧) ନିମ୍ନରେ ଥିବା ବନ୍ଧନୀ ମଧ୍ୟରୁ ଠିକ ଉତ୍ତର ବାଛି ଶୂନ୍ୟସ୍ଥାନ ପୂରଣ କର ।
(ଭାସିବା, ଜଳ, ଫସଲ, ପୋଷାକ, ବୁଡିବା, ପ୍ରସ୍ତୁତି)
(ଭାସିବା, ଜଳ, ଫସଲ, ପୋଷାକ, ବୁଡିବା, ପ୍ରସ୍ତୁତି)
(କ) କୌଣସି ଏକ ପ୍ରକାର ଉଦ୍ଭିଦ ବହୁ ପରିମାଣରେ ଚାଷ କରିବାକୁ ଫସଲ କୁହାଯାଏ ।
(ଖ) ଫସଲ ଉତ୍ପାଦନ ପୂର୍ବରୁ ମୃତ୍ତିକା ପ୍ରସ୍ତୁତି ପ୍ରଥମ ପଦକ୍ଷେପ ଅଟେ ।
(ଗ) ନଷ୍ଟ ହୋଇଥିବା ମଞ୍ଜି ଗୁଡିକ ପାଣି ଉପରେ ଭାସିବା କୁ ଲାଗେ ।
(ଘ) ଫସଲ ଉତ୍ପାଦନ ପାଇଁ ପ୍ରଚୁର ସୂର୍ଯ୍ୟାଲୋକ ଏବଂ ଜଳ ସହ ମୃତ୍ତିକାସ୍ଥ ପୋଷକ ଆବଶ୍ୟକ ।
(ଖ) ଫସଲ ଉତ୍ପାଦନ ପୂର୍ବରୁ ମୃତ୍ତିକା ପ୍ରସ୍ତୁତି ପ୍ରଥମ ପଦକ୍ଷେପ ଅଟେ ।
(ଗ) ନଷ୍ଟ ହୋଇଥିବା ମଞ୍ଜି ଗୁଡିକ ପାଣି ଉପରେ ଭାସିବା କୁ ଲାଗେ ।
(ଘ) ଫସଲ ଉତ୍ପାଦନ ପାଇଁ ପ୍ରଚୁର ସୂର୍ଯ୍ୟାଲୋକ ଏବଂ ଜଳ ସହ ମୃତ୍ତିକାସ୍ଥ ପୋଷକ ଆବଶ୍ୟକ ।
୨) 'କ' ସ୍ତମ୍ଭର ଶବ୍ଦ ସହ 'ଖ' ସ୍ତମ୍ଭର ଉପଯୁକ୍ତ ଶବ୍ଦ ବାଛି ମିଳାଅ ।
| 'କ' ସ୍ତମ୍ଭ | 'ଖ' ସ୍ତମ୍ଭ |
|---|---|
| ଖରିଫ ଫସଲ | ଧାନ ଓ ମକା |
| ରବି ଫସଲ | ଗହମ, ବୁଟ ଓ ମଟର |
| ରାସାୟନିକ ସାର | ୟୁରିଆ ଏବଂ ସୁପର ଫସଫେଟ |
| ଜୈବିକ ସାର | ପ୍ରାଣୀର ମାଳ ଓ ଗୋବର, ମୂତ୍ର ଏବଂ ଉଦ୍ଭିଦ ଅବଶେଷ |
୩) ପ୍ରତ୍ୟେକ ରୁ ଦୁଇଟି ଲେଖାଏଁ ଉଦାହରଣ ଦିଅ ।
(କ) ଖରିଫ ଫସଲ - ଧାନ ଓ ମକା ।
(ଖ) ରବି ଫସଲ - ଗହମ ଓ ବୁଟ ।
୪) ଗୋଟିଏ ବା ଦୁଇଟି ବାକ୍ୟରେ ଉତ୍ତର ଦିଅ ।
(କ) ସବୁଜ ସାର କାହାକୁ କହନ୍ତି ?
ଉତ୍ତର : ଅଣୁଜୀବ ଦ୍ଵାରା ମାଟିରେ ପଚିସଢି ପାରୁଥିବା କଞ୍ଚା ଡାଳ ପତ୍ର ଓ ଅନ୍ୟାନ୍ୟ ଜୈବିକ ସାରକୁ ସବୁଜ ସାରା କୁହାଯାଏ ।
(ଖ) 'କମ୍ବାଇନ' ମେସିନ ର କାର୍ଯ୍ୟ କ'ଣ ?
ଉତ୍ତର : ଧାନ କାଟିବା ଓ ଧାନରୁ ଅଗାଡି ଅଲଗା କରିବା, ଏହି ଉଭୟ କାର୍ଯ୍ୟ ଯେଉଁ ମେସିନ କରିପାରେ ତାକୁ କମ୍ବାଇନ କୁହାଯାଏ ।
(ଗ) ଅମଳ ପରେ ମଞ୍ଜିକୁ ପବନରେ ଉଡ଼ାଯାଏ କାହିଁକି ?
ଉତ୍ତର : ଅମଳ ପରେ ପରିଷ୍କୃତ ମଞ୍ଜି ସଂଗୃହୀତ କରିବା ପାଇଁ କୁଲା ବା ମେସିନ ସାହଯ୍ୟରେ ଅଗାଡି ଅଲଗା କରାଯାଏ ।
(ଘ) ଉତ୍ତମ ମଞ୍ଜି ବାଛିବା କିପରି ?
ଉତ୍ତର : ନଷ୍ଟ ହୋଇଥିବା ମଞ୍ଜିଗୁଡିକ ଉତ୍ତମ ମଞ୍ଜି ଅପେକ୍ଷା ହାଲୁକା ଥାଆନ୍ତି । ତେଣୁ ଏହି ହାଲୁକା ମଞ୍ଜି ଗୁଡିକୁ ଅଲଗା କରିବା ପାଇଁ ପାଣିରେ ଭସା ପଦ୍ଧତି ଏକ ଉତ୍କୃଷ୍ଟ ଉପାୟ ଅଟେ ।
(ଙ) ବୁନ୍ଦା ଜଳସେଚନ କହିଲେ କ'ଣ ବୁଝ ?
ଉତ୍ତର : ଉଦ୍ଭିଦ ମୂଳରେ ବୁନ୍ଦା ବୁନ୍ଦା କରି ଜଳ ଯୋଗାଇବା ପଦ୍ଧତିକୁ ବୁନ୍ଦା ଜଳସେଚନ କୁହାଯାଏ ।
୫) ସଂକ୍ଷେପରେ ନିଜ ଭାଷାରେ ଲେଖ ।
(କ) ମୃତ୍ତିକା ପ୍ରସ୍ତୁତି :
- ଫସଲ ଉତ୍ପାଦନ କରିବା ପାଇଁ ମାଟିକୁ ହାଲୁକା କରି ଅନୁକୂଳ ବାତାବରଣ ସୃଷ୍ଟି କରାଯାଏ ଯାହାକୁ ମୃତ୍ତିକା ପ୍ରସ୍ତୁତି କୁହାଯାଏ ।
- ଏହା ଦ୍ଵାରା ମାଟିରେ ଥିବା ଭୌତିକ, ରାସାୟନିକ ଓ ଜୈବିକ ଗୁଣରେ ପରିବର୍ତ୍ତନ ଘଟିଥାଏ ।
- ଏହା ଦୁଇ ପ୍ରକାରର, (i) ପ୍ରାରମ୍ଭିକ ପ୍ରସ୍ତୁତି, (ii) ଅନ୍ତଃ ବା ପରବର୍ତ୍ତୀ ପଦ୍ଧତି ।
- ପ୍ରାରମ୍ଭିକ ମୃତ୍ତିକା ପ୍ରସ୍ତୁତି ପାଇଁ ଉପକରଣ(ଲଙ୍ଗଳ) ବ୍ୟବହାର କରାଯାଏ ।
- ଅନ୍ତଃ ବା ପରବର୍ତ୍ତୀ ମୃତ୍ତିକା ପ୍ରସ୍ତୁତି ପାଇଁ ନିମ୍ନଲିଖିତ ଉପକରଣ ବ୍ୟବହାର କରାଯାଏ । ଯଥା : (i) କଲଟିଭେଟର, (ii)ମଇ, (iii)କୋଡି, (iv)କୋଦାଳ ଇତ୍ୟାଦି ।
(ଖ) ମଞ୍ଜିବୁଣା :
- ମୃତ୍ତିକା ପ୍ରସ୍ତୁତି ପରେ ଚାଷୀ ନିଜ ହାତରେ ବୁଣି ଥାଏ । ଯାହା ଫଳରେ ମଞ୍ଜି ଉଚିତ ଦୂରତାରେ ପଡେ ନାହିଁ ଓ ଅଧିକ ବିହନ ଖର୍ଚ୍ଚ ହୁଏ ।
- ବିହନ ବୁଣିବା ବେଳେ ବିହନ ବୁଣା ଯନ୍ତ୍ରର ବ୍ୟବହାର କରିବା ଦରକାର ।
- ଆଜିକାଲି ଟ୍ରାକ୍ଟରରେ ଖଞ୍ଜାଯାଇଥିବା ଡ୍ରିଲିଂ ଯନ୍ତ୍ର ଦ୍ଵାରା ମଞ୍ଜିବୁଣା କାର୍ଯ୍ୟ ହୋଇପାରୁଛି । ଯାହାଦ୍ଵାରା ମଞ୍ଜିଗୁଡିକ ମାଟି ଭିତରେ ପୋତି ହୋଇଯାଏ ଏବଂ ପକ୍ଷୀମାନେ ଏଗୁଡ଼ିକୁ ଖାଇପାରନ୍ତି ନାହିଁ ।
- ବିହନ ବୁଣା ଯନ୍ତ୍ର ବ୍ୟବହାର ଦ୍ଵାରା ସମୟ ଓ ମଜୁରି କମ ଖର୍ଚ୍ଚ ହୁଏ ।
(ଗ) ଉଇନୋଇଙ୍ଗ :
- ଅମଳ ହୋଇଥିବା ଫସଲକୁ କୁଲା ବା ମେସିନ ସାହଯ୍ୟରେ ଉଡାଇ ଅଗାଡି ଅଲଗା କରିବା ପ୍ରକ୍ରିୟାକୁ ଉଇନୋଇଙ୍ଗ କୁହାଯାଏ ।
- କୁଲା ଦ୍ଵାରା ଅଗାଡି ଅଲଗା କରିବା ପ୍ରକ୍ରିୟା ଅଧିକ ସମୟ ଓ ପରିଶ୍ରମ ଆବଶ୍ୟକ କରେ ।
- ବର୍ତ୍ତମାନ ଦୁଇଟି ପ୍ରକ୍ରିୟାରେ ଶସ୍ୟ ସଫା କରିବା ଯନ୍ତ୍ର ବ୍ୟବହାର କରାଯାଏ । ଯଥା : (i) ହସ୍ତଚାଳିତ ପଙ୍ଖା, (ii) ମୋଟର ଖଞ୍ଜିତ ବା ବିଦ୍ୟୁତ ଚାଳିତ ପଙ୍ଖା ।
୬) ରାସାୟନିକ ସାର, ଜୈବିକ ସାର ଠାରୁ କିପରି ପୃଥକ ?
| ରାସାୟନିକ ସାର | ଜୈବିକ ସାର |
| ଖଣିଜ କିମ୍ବା ରାସାୟନିକ ଉପାୟରେ କଳକାରଖାନା ମାନଙ୍କରେ ତିଆରି ହୁଏ । | ଉଦ୍ଭିଦ ଓ ପ୍ରାଣୀମାନଙ୍କର ଦେହବଶେଷରୁ ସୃଷ୍ଟି ହେଉଥିବା ବର୍ଜ୍ୟ ବସ୍ତୁର ଅପଘଟନରୁ ଜମିରେ ପ୍ରସ୍ତୁତ କରାଯାଇଥାଏ । |
| ମୃତ୍ତିକାକୁ କୌଣସି ହ୍ୟୁମସ ପ୍ରଦାନ କରି ନ ଥାଏ । | ମୃତ୍ତିକାକୁ ପ୍ରଚୁର ପରିମାଣରେ ହ୍ୟୁମସ ଯୋଗାଇଥାଏ । |
| ଏଠାରେ ପ୍ରଚୁର ପରିମାଣରେ ଉଦ୍ଭିଦ ପୋଷକ (N,P,K) ରହିଥାଏ । | ଏଠାରେ ଉଦ୍ଭିଦ ପୋଷକ ରାସାୟନିକ ସାର ଅପେକ୍ଷାକୃତ କମ ଥାଏ । |
| ଏଠାରେ ପୋଷକ ଗୁଡିକ ନିର୍ଦ୍ଦିଷ୍ଟ ଅନୁପାତରେ ଥାଆନ୍ତି । | ଏଠାରେ ପୋଷକ ଗୁଡିକ ନିର୍ଦ୍ଦିଷ୍ଟ ଅନୁପାତରେ ନ ଥାଏ । |
| ଏହାର ପ୍ରୟୋଗ ଦ୍ଵାରା ମୃତ୍ତିକାର ପ୍ରାକୃତିକ ସ୍ଵାସ୍ଥ୍ୟ ହ୍ରାସ ହୁଏ । | ଜୈବିକ ସାର ପ୍ରାକୃତିକ ସ୍ଵାସ୍ଥ୍ୟ ବଜାୟ ରଖେ । |
୭) ଜଳସେଚନ କାହାକୁ କହନ୍ତି ? ଜଳସେଚନର ଦୁଇଟି ପଦ୍ଧତି ବର୍ଣ୍ଣନା କର, ଯେଉଁଥିରେ ଜଳ ସଂରକ୍ଷଣ ହୁଏ ।
ଉତ୍ତର :
ଏକ ନିର୍ଦ୍ଦିଷ୍ଟ ସମୟ ବ୍ୟବଧାନରେ ଫସଲକୁ ଆବଶ୍ୟକ ପରିମାଣର ଜଳ ଯୋଗାଇବା କାର୍ଯ୍ୟକୁ ଜଳସେଚନ କୁହାଯାଏ ।
- କୂଅ, ନଳକୂଅ, ପୋଖରୀ, ହ୍ରଦ, କେନାଲ, ନଦୀ ଓ ଜଳଭଣ୍ଡାର ଗୁଡିକ ଜଳସେଚନର ଉତ୍ସ ଅଟନ୍ତି ।
- ପୁରାତନ ପଦ୍ଧତିରେ କୂଅ, ନଦୀନାଳରୁ ବିଭିନ୍ନ ଉପାୟରେ ମଣିଷ ଓ ଗୃହପାଳିତ ପଶୁମାନଙ୍କ ସାହଯ୍ୟରେ ଜଲେଚନ କରାଯାଉଥିଲା । କିନ୍ତୁ ତାହା ଫଳପ୍ରଦ ନ ହେବାରୁ ଏବେ ଆଧୁନିକ ପଦ୍ଧତିରେ ଜଳସେଚନ କରାଯାଉଛି ।
- ଜଳ ସେଚନ ପଦ୍ଧତି ଦୁଇ ପ୍ରକାରର : (i) ପୁରାତନ ଜଳସେଚନ ପଦ୍ଧତି - ମୋଟ, ଚେନପମ୍, ତେଣ୍ଡା, ଲିଭର ପଦ୍ଧତି ।
(ii) ଆଧୁନିକ ଜଳସେଚନ ପଦ୍ଧତି - ଛିଞ୍ଚା ବା ସ୍ପ୍ରିଙ୍କଲର ପଦ୍ଧତି, ବୁନ୍ଦା ପଦ୍ଧତି ।
- ଛିଞ୍ଚା ବା ସ୍ପ୍ରିଙ୍କଲର ପଦ୍ଧତି :
- ପର୍ଯ୍ୟାପ୍ତ ଜଳ ପାଉନଥିବା ଅସମତଳ ସ୍ଥାନରେ ଏହି ପଦ୍ଧତିରେ ଜଳସେଚନ କରାଯାଏ ।
- ଏହି ପଦ୍ଧତିରେ ଜଳକୁ ପମ୍ପ, ମୁଖ୍ୟ ନାଳ, ଉପମୁଖ୍ୟ ନାଳ, ଶାଖା ନାଳ ଓ ମାଧ୍ୟମରେ ଫସଲକୁ କୃତ୍ରିମ ବର୍ଷ ରୂପେ ଯୋଗାଯାଏ ।
- ମାଟି ବାଲିଆ ଥିଲେ, ଜମିକୁ ସମତଳ କରିବା ସମ୍ଭବ ହେଉନଥିଲେ କିମ୍ବା ପର୍ଯ୍ୟାପ୍ତ ଜଳ ମିଳୁନଥିଲେ ଏହି ପଦ୍ଧତିରେ ଜଳସେଚନ କରାଯାଏ ।
- ମରୁଡି ସମୟରେ ଫସଲର ଜୀବନ ରକ୍ଷା କରିବା ପାଇଁ ଏହି ପଦ୍ଧତି ଉତ୍କୃଷ୍ଟ ଅଟେ ।
- କଫି, ଚା, ଫଳ ବଗିଚା ଆଦି ଅର୍ଥକାରୀ ଫସଲ ପାଇଁ ଏହା ଏକ ଉତ୍ତମ ବ୍ୟବସ୍ଥା ଅଟେ ।
- ବୁନ୍ଦା ପଦ୍ଧତି :
- ଏହା ଏକ ଆଧୁନିକ ଜଳସେଚନ ପଦ୍ଧତି ଅଟେ ।
- ଏହି ପଦ୍ଧତିରେ ଜଳକୁ ପମ୍ପ, ଚାପ ନିୟନ୍ତ୍ରକ, ଛଣା ଯନ୍ତ୍ର, ମୁଖ୍ୟ ନାଳ, ଉପମୁଖ୍ୟ ନାଳ, ଶାଖା ନାଳ, ଉଦଗାରିଣୀ ନଳୀ ଓ କପାଟି ଦେଇ ଗଛ ମୂଳକୁ ଦିଆଯାଏ ।
- ଜଳ ଅଭାବ ଏବଂ ଲବଣତା ସମସ୍ୟା ଥିବା ଅଞ୍ଚଳରେ ଏହି ପ୍ରଣାଳୀରେ ଜଳ ବୁନ୍ଦା ବୁନ୍ଦା ହୋଇ ଅନବରତ ବା ଅଳ୍ପ କିଛି ସମୟ ବ୍ୟବଧାନରେ ଗଛ ମୂଳରେ ସରୁ ପ୍ଲାଷ୍ଟିକ ପାଇପ ସାହଯ୍ୟରେ ପଡିଥାଏ ।
- ଏହି ପ୍ରଣାଳୀ ଦ୍ଵାରା କଳା ବହୁତ କମ ଖର୍ଚ୍ଚ ହୁଏ । କାରଣ ଏହି ପ୍ରଣାଳୀରେ ଗଛକୁ ଯେତେ ଜଳ ଆବଶ୍ୟକ ସେତିକି ହିଁ ଦିଆଯାଏ ।
୮) ବର୍ଷାଦିନେ ଗହମ ବୁଣିଲେ କ'ଣ ଅସୁବିଧା ହେବ, କାରଣ ସହ ବର୍ଣ୍ଣନା କର ।
ଉତ୍ତର :
ଆମ ଦେଶ ଭାରତ ଏକ କୃଷିପ୍ରଧାନ ଦେଶ ଅଟେ । ଏହାର ଜଳବାୟୁର ଅବସ୍ଥା ଆଞ୍ଚଳିକ ଭିତ୍ତିରେ ଭିନ୍ନ ଭିନ୍ନ ଅଟେ । ଏହି ଅନୁସାରେ ବିଭିନ୍ନ ପ୍ରକାର ଫସଲ ଉତ୍ପାଦନ ଦେଶର ଭିନ୍ନ ଭିନ୍ନ ଅଞ୍ଚଳରେ, ଭିନ୍ନ ଭିନ୍ନ ଋତୁରେ ହୁଏ ।
ବର୍ଷା ଦିନେ ଚାଷ କରାଯାଉଥିବା ଫସଲକୁ ଖରିଫ ଫସଲ ଓ ଶୀତଦିନେ ଚାଷ କରାଯାଉଥିବା ଫସଲକୁ ରବି ଫସଲ କୁହାଯାଏ । ଗହମ ଏକ ରବି ଫସଲ ଅଟେ । ଯାହା ଶୀତଦିନେ ଚାଷ କରିବା ଉଚିତ ଅଟେ । ଯଦି ଏହାକୁ ଆମେ ବର୍ଷାଦିନେ ଚାଷ କରିବା ତେବେ ଏହା ନିଶ୍ଚିତ ଭାବେ ଶୀତଦିନ ଅପେକ୍ଷା କମ ଉତ୍ପାଦନକ୍ଷମ ହେବ ।
ବର୍ଷା ଦିନେ ଚାଷ କରାଯାଉଥିବା ଫସଲକୁ ଖରିଫ ଫସଲ ଓ ଶୀତଦିନେ ଚାଷ କରାଯାଉଥିବା ଫସଲକୁ ରବି ଫସଲ କୁହାଯାଏ । ଗହମ ଏକ ରବି ଫସଲ ଅଟେ । ଯାହା ଶୀତଦିନେ ଚାଷ କରିବା ଉଚିତ ଅଟେ । ଯଦି ଏହାକୁ ଆମେ ବର୍ଷାଦିନେ ଚାଷ କରିବା ତେବେ ଏହା ନିଶ୍ଚିତ ଭାବେ ଶୀତଦିନ ଅପେକ୍ଷା କମ ଉତ୍ପାଦନକ୍ଷମ ହେବ ।
୯) ବାରମ୍ବାର ଫସଲ ଚାଷ କଲେ ଜମିର କି କ୍ଷତି ହୁଏ ?
ଉତ୍ତର:
- ବାରମ୍ବାର ଗୋଟିଏ ଜମିରେ ଗୋଟିଏ ପ୍ରକାର ଚାଷ କଲେ ମୃତ୍ତିକାର ନିର୍ଦ୍ଦିଷ୍ଟ କେତେକ ପୋଷକର ପରିମାଣ ହ୍ରାସ ପାଏ ।
- ବାରମ୍ବାର ଗୋଟିଏ ଜମିରେ ଗୋଟିଏ ପ୍ରକାର ଚାଷ କଲେ ଜମିରେ ସାର ପ୍ରୟୋଗ କରିବାକୁ ପଡେ ।
- ରାସାୟନିକ ସାର ପ୍ରୟୋଗ କରିବା ଦ୍ଵାରା କେତେକ ଉପକାରୀ ଅଣୁଜୀବ ଓ ଜିଆ ନଷ୍ଟ ହୋଇଯିବା ଫଳରେ ଜମି ତା'ର ଉର୍ବରତା ହରାଏ ।
୧୦) ତୃଣକ କାହାକୁ କହନ୍ତି ? ସେଗୁଡିକୁ କିପରି ଦମନ କରାଯାଏ ?
ଉତ୍ତର :
ଜମିରେ ଫସଲ ସହିତ ଆପେ ଆପେ ବଢିଥିବା ଅନାବନା ଉଦ୍ଭିଦ ଓ ଘାସକୁ ତୃଣକ କୁହାଯାଏ । ଏହାକୁ ନିର୍ମୂଳରୁ ଶେଷ କରିବା ପଦ୍ଧତିକୁ ତୃଣକ ଦମନ କୁହାଯାଏ । ଏହାକୁ କୃଷକ ବିଭିନ୍ନ ଉପାୟରେ ଦମନ କରିଥାଏ । ମଞ୍ଜି ବୁଣିବା ସମୟରେ ତୃଣକ ଗୁଡିକ ଲଙ୍ଗଳ ଦ୍ଵାରା ଆପେ ଉପୁଡିଯାନ୍ତି ଓ ଶୁଖି ମାଟିରେ ମିଶିଯାନ୍ତି । ତୃଣକ ଗୁଡିକୁ ହାତରେ, ଖୁରୁପି ଦ୍ଵାରା କିମ୍ବା ତୃଣକମାରୀ ପ୍ରୟୋଗ କରି ଫୁଲ ଓ ମଞ୍ଜି ଧରିବା ପୂର୍ବରୁ ଏଗୁଡ଼ିକୁ ଦମନ କରାଯାଏ ।
୧୧) ଆଖୁ ଉତ୍ପାଦନର ଫ୍ଲୋ ଚାର୍ଟ ଦେଖାଇବା ପାଇଁ ନିମ୍ନଲିଖିତ ବାକ୍ସଗୁଡିକ କ୍ରମ ଅନୁସାରେ ସଜାଅ ।
| ଆଖୁ କାରଖାନାକୁ ପଠାଇବା | ଜଳସେଚନ | ଅମଳ | ଲଗାଇବା |
| ମୃତ୍ତିକା ପ୍ରସ୍ତୁତି | ହଳ କରିବା | ସାର ପ୍ରୟୋଗ |
ଉତ୍ତର : [ ହଳ କରିବା ] ---> [ ମୃତ୍ତିକା ପ୍ରସ୍ତୁତି ] ---> [ ଲଗାଇବା ] ---> [ ସାର ପ୍ରୟୋଗ ] ---> [ ଜଳ ସେଚନ ] ---> [ ଅମଳ ] ---> [ ଆଖୁ କାରଖାନାକୁ ପଠାଇବା ]
୧୨) ନିମ୍ନରେ ଦିଆଯାଇଥିବା ସୂତ୍ର ପ୍ରୟୋଗ କରି ଶବ୍ଦ ଧନ୍ଦା ପୂରଣ କର ।
- ଉପରୁ ତଳକୁ
- ଜମିକୁ ଚାଷ କରିବା
- ଅଣୁଜୀବ ଦ୍ଵାରା ପଚିସଢି ଯିବା
- ବାମରୁ ଡାହାଣକୁ
- ଜମିକୁ ପାଣି ମଡାଇବା
- ଅନାବନା ଗଛକୁ ନିର୍ମୂଳ କରିବା
| 1ହ | 2ପ | |||
| 1ଜ | ଳ | ସେ | ଚ | ନ |
| କ | ନ | |||
| ରି | ||||
| 2ବା | ଛି | ବା |
ଟ୍ୟାଗ୍ :
ଇ-ଶିକ୍ଷା